Panyawaku lan Selak (Geguritan)

Panyawangku
anggitane Nina (2011)

Sekar melati kang rinonce

Rias cundhuk wonten ing mustaka

Kaparinga kasawang ing sejatine praupan

Panyawang netra kang karesep lebeting manah

eseme sumribit lir angin sore kang nggawa manising segara madu

bisaa lugu katon ayu

polat luwes katon sampurna

asih tresna marang sapada

manising ati lumancar ana ing pasuryanmu

dhuh nimas wong ayu

kaparenga kula wujudaken rasa menika

Selak
anggitane Nina (2011)

Sepira gedhening rasa pangrasa iku

Sepira bisane nglakoni lelakon iku

Sepira suwene mendhem lan sinawang kang beda

Ora kapinginan ora kasenengan

Sélak saka rasa lan raga

Kasawang katon beda, karasa saya sulaya

Ananging tetep bisa di gadhang